5

حکومت نے کورونا ویکسین کیلئے عمر کی حد 15 سال مقرر کر دی

لاہور(بیورو رپورٹ)15 سال عمر کے بچوں کی کورونا ویکسینیشن شروع کرنے کا فیصلہ کرلیا گیا،این سی او سی کے مطابق 15 تا 18 سال والوں کی ویکسی نیشن کا آغاز 13 ستمبر سے ہوگا،ذرائع کے مطابق 15 تا 18 سال والوں کو فائزر کورونا ویکسین لگائی جائے گی،این سی او سی نے 15 تا 18 سال والوں کی ویکسی نیشن کی منظوری دے دی ہے۔ 15 تا 18 سالہ کی ویکسینیشن کیلئے ب فارم کا استعمال ہوگا،ذرائع کے مطابق ملک بھر میں 17 تا 18 سالہ افراد کی کورونا ویکسی نیشن جاری ہے،دوسری جانب نیشنل کمانڈ اینڈ آپریشن سینٹر کے تازہ ترین اعدادوشمار کے مطابق کورونا وائرس سے 82 افراد جاں بحق ہوگئے، جس کے بعد اموات کی تعداد 26 ہزار 662 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ ایک ہزار 367 ہوگئی،گذشتہ 24 گھنٹوں کے دوران 3 ہزار 480 نئے کیسز رپورٹ ہوئے، پنجاب میں 4 لاکھ 10 ہزار 463، سندھ میں 4 لاکھ 42 ہزار 401، خیبر پختونخوا میں ایک لاکھ 67 ہزار 154، بلوچستان میں 32 ہزار 517، گلگت بلتستان میں 10 ہزار 109، اسلام آباد میں ایک لاکھ 2 ہزار 94 جبکہ آزاد کشمیر میں 33 ہزار 131 کیسز رپورٹ ہوئے،ملک بھر میں اب تک ایک کروڑ 83 لاکھ 47 ہزار 597 افراد کے ٹیسٹ کئے گئے، گذشتہ 24 گھنٹوں کے دوران 61 ہزار 128 نئے ٹیسٹ کئے گئے، اب تک 10 لاکھ 82 ہزار 988 مریض صحتیاب ہوچکے ہیں جبکہ 5 ہزار 362 مریضوں کی حالت تشویشناک ہے،پاکستان میں کورونا سے ایک دن میں 82 افراد جاں بحق ہوئے جس کے بعد وائرس سے مرنے والوں کی تعداد 26 ہزار 662 ہوگئی۔ پنجاب میں 12 ہزار 198، سندھ میں 7 ہزار 116، خیبرپختونخوا میں 5 ہزار 225، اسلام آباد میں 886، بلوچستان میں 342، گلگت بلتستان میں 179 اور آزاد کشمیر میں 716 مریض جان سے ہاتھ دھو بیٹھے۔

اس خبر پر اپنی رائے کا اظہار کریں

اپنا تبصرہ بھیجیں