17

سیاحت کو فروغ دیکر پاکستان کا مثبت چہرہ دنیا کے سامنے لائیں گے،عثمان بزدار


لاہور(بیورو رپورٹ)وزیراعلیٰ عثمان بزدار نے کہا ہے کہ سیاحت کو فروغ دے کر پاکستان کا مثبت چہرہ دنیا کے سامنے لائیں گے، سیاحت سے مقامی ثقافت اور معیشت بھی فروغ پاتی ہے،وزیراعلیٰ پنجاب عثمان بزدار نے سیاحت کے عالمی دن پر اپنے پیغام میں کہا ہے کہ عالمی یوم سیاحت منانے کا مقصد پنجاب میں سیاحت کا فروغ ہے، پنجاب میں نئے سیاحتی مقامات متعارف کرائے جا رہے ہیں، سیاحت کے فروغ سے دنیا کے سامنے پاکستان کے آثار قدیمہ کو متعارف کرائیں گے، پنجاب کے سیاحتی مقامات غیر ملکی اور ملکی سیاحوں کے لئے یکساں دلچسپی کا باعث ہیں،عثمان بزدار کا کہنا تھا کہ سیاحت سے نہ صرف مقامی ثقافت بلکہ معیشت بھی فروغ پاتی ہے، سیاحت کے فروغ سے مقامی لوگوں کو روزگار کے مواقع ملتے ہیں، پاکستان قدرتی خوبصورتی، مذہبی سیاحت اور تاریخی مقامات سے مالامال ہیں، پاکستان دنیا کے قدیم ترین تہذیب و ثقافت کا امین ہے۔

اس خبر پر اپنی رائے کا اظہار کریں

اپنا تبصرہ بھیجیں