10

ظفروال،دیہاتیوں نے عاشق کو دھڑ لیا، آدھے سر کے بال، مونچھیں اور بھنویں مونڈ دیں

ظفروال(نمائندہ پی این این اردو)ظفروال گاؤں وریام میں عاشق کو محبوبہ سے ملنا مہنگا پڑگیا،گاؤں کے لوگوں نے عاشق کے آدھے سر کے بال، آدھی مونچھیں اور بھنویں مونڈ ڈالیں، ویڈیو سوشل میڈیا پر وائرل کردی گئی،تفصیلات کے مطابق ظفروال کے وریام میں رات کے اندھیرے میں عاشق کو اپنی محبوبہ سے ملنا مہنگا پڑ گیا، دیہاتیوں نے منظور نامی شخص کی خوب درگت بنا کر رسیوں سے باندھا اور آدھے سر کے بال آدھی مونچھ اور آدھی بھنویں مونڈ ڈالیں اور کئی گھنٹے کمرے میں بند رکھنے کے بعد چھوڑ دیا گیا،ویڈیو سوشل میڈیا پر وائرل کر دی گئی جس میں گاؤں کے لوگوں کو عاشق کی آدھی مونچھ، آدھا سر اور آدھی بھنویں مونڈتے دیکھا جاسکتا ہے۔ پولیس کا کہنا ہے ایسے افراد کے خلاف سخت کارروائی عمل میں لائی جائے گی جنہوں نے قانون اپنے ہاتھ میں لے کر ایسا غیر قانونی فعل کیا ہے، درخواست موصول ہونے پر پولیس تھانہ ظفروال نے 7 افراد کے خلاف مقدمہ درج کر لیا۔

اس خبر پر اپنی رائے کا اظہار کریں

اپنا تبصرہ بھیجیں