14

ملک میں نوکریوں اور معیشت کی بہتری کے لئے کام کیا جارہا ہے،زرتاج گل

اسلام آباد(بیورو رپورٹ)وزیر مملکت برائے موسمیاتی تبدیلی زرتاج گل نے کہا ہےکہ خواتین کے یکساں حقوق کو مدنظر رکھتے ہوئے ملک میں نوجوانوں کے لئے نوکریوں اور معیشت کی بہتری کے لئے کام کیا جارہا ہے، زرتاج گل وزیر نے کہا ہے کہ ملک کے سر سبز رقبہ میں اضافہ موجودہ حکومت کی اولین ترجیحات میں شامل ہے،انہوں نے کہا کہ صوبائی حکومتوں اور بین الاقوامی اداروں سمیت تمام اسٹیک ہولڈرز دس ارب شجرکاری پروگرام کے دائرہ کار کو بڑھانے اور اضافی نوکریاں پیدا کرنے کیلئے مصروف ہیں،زرتاج گل نے کہا کہ حکومت نے ایک ارب درختوں کا ہدف کامیابی سے حاصل کر لیا ہے اور باقی 9 ارب درخت لگانے کے اہداف بہت جلد حاصل ہو جائیں گے،انہوں نے وضاحت کی کہ زیتون کے درختوں کی کٹائی ضروری ہے ، اور 10 بلین سونامی درختوں میں غذائی اہمیت کے 10 فیصد پودوں کو کاٹنا لازمی قرار دیا گیا ہے،انہوں نے مزید کہا کہ اس منصوبے میں پھل دار درختوں کے متعارف ہونے سے پاکستان پر بہت بڑا معاشی اثر پڑا ہے،ایک سوال کے جواب میں انہوں نے کہا کہ زیتون کی کاشت کا منصوبہ مقامی لوگوں کیلئے روزگار کے نئے مواقع پیدا کر رہا ہے،انہوں نے مزید دعویٰ کیا کہ گرین جابز میں خواتین کو 15 فیصد نوکریاں دی جارہی ہیں، ملک بھر میں 10 بلین ٹری سونامی پروگرام کے تحت تقریبا 0.2 ملین مزید نوکریاں دی جائیں گی،زرتاج گل نے کہا ہے کہ سبز جنگلات کو بڑھانے کا ہدف مقرر کیا گیا ہے تاکہ آب و ہوا کو تبدیل کرنے والے درجہ حرارت کو کئی ڈگری تک کم کیا جاسکے،انہوں نے مزید کہا کہ ماضی کی حکومتیں پودے اگانے میں ناکام رہی تھیں جس کی وجہ سے ماحولیاتی خرابی ہوئی،وزیراعظم عمران خان کے وژن کے تحت حکومت شہروں کی حالت بہتر بنانا چاہتی ہے اور اس سلسلے میں کلین اینڈ گرین پروگرام شروع کیا ہوا ہے،انہوں نے مزید کہا کہ دیہی اور شہری علاقوں کے ہر کونے میں درخت لگائے جا رہے ہیں،ایک اور سوال کے جواب میں انہوں نے کہا کہ آواز کی آلودگی پر قابو پانے اور ہوا کے معیار کی بہتری کیلئے پاکستانی حکومت اس منصوبے پر کام کر رہی ہے کہ 2030 تک ملک میں استعمال ہونے والی کم از کم 30 فیصد گاڑیاں الیکٹرانک ہوں،انہوں نے کہا کہ صاف اور سبز ماحول کو فروغ دینے کی کوششوں کے ایک حصے کے طور پر حکومت ملک میں بڑی موٹرویز اور شاہراہوں پر ہر 15 سے 30 کلومیٹر کے بعد الیکٹرک گاڑیوں کیلئے فاسٹ چارجنگ اسٹیشن قائم کر رہی ہے،انہوں نے مزید کہا کہ وزیراعظم عمران خان کی قیادت میں موجودہ حکومت بہترین دستیاب ٹیکنالوجیز کا استعمال کرتے ہوئے ہوا کے معیار کو بہتر بنانے کیلئے موثر اقدامات کر رہی ہے۔

اس خبر پر اپنی رائے کا اظہار کریں

اپنا تبصرہ بھیجیں