14

‘ملک کیخلاف ہر دور میں سازشیں ہوتی رہیں، پاکستان ہر بار نئی طاقت کیساتھ ابھرا’

اسلام آباد(بیورو رپورٹ)فواد چوہدری نے کہا ہے کہ ملک کے خلاف ہر دور میں سازشیں ہوتی رہیں، پاکستان ہر بار نئی طاقت کے ساتھ ابھرا، پاکستان کو کمزور بنانے کیلئے کئی ملکوں نے مل کر سازش کی، بھارت کی موجودہ قیادت پاکستان کیساتھ اچھے تعلقات میں رکاوٹ ہے،وفاقی وزیر اطلاعات و نشریات فواد چوہدری نے اسلام آباد میں کانفرنس سے خطاب کرتے ہوئے کہا کہ بھارت نے افغانستان میں بلین ڈالرز کی انویسٹمنٹ کی مگر قسمت نے ان کا ساتھ نہیں دیا، افغانستان میں بھارت کی ساری انویسٹمنٹ ضائع ہوگئی، ہم بھارت سے بھی اچھے تعلقات چاہتے ہیں، بھارت سے اچھے تعلقات میں رکاوٹ موجودہ حکمران پارٹی بی جے پی ہے، بی جے پی مسلمانوں کے قتل عام کے نام پر ووٹ لیکر آتے ہیں،فواد چوہدری کا کہنا تھا کہ سابق افغان صدر اشرف غنی افغانستان سے فرار ہوگئے، پاکستان میں کئی سال تک حکمرانی کرنیوالے لندن میں مفرور کی زندگی گزار رہے ہیں، آج نواز شریف بھی بے ایمانی کے باعث مفروریت کی زندگی گزار رہے ہیں۔

اس خبر پر اپنی رائے کا اظہار کریں

اپنا تبصرہ بھیجیں