16

پیپلزپارٹی کا نیب چیئرمین کی مدت ملازمت میں توسیع کی مخالفت کا اعلان

کراچی(مانیٹرنگ ڈیسک)پاکستان پیپلز پارٹی نے وفاقی حکومت کی طرف سے ممکنہ طور پر نیب چیئرمین کی مدت ملازمت میں توسیع کی مخالفت کرنے کا اعلان کر دیا،یاد رہے کہ وفاقی وزیر قانون فروغ نسیم نے چند روز قبل بتایا تھا کہ وفاقی حکومت چیئرمین نیب کی مدت ملازمت میں توسیع کر سکتی ہے،پاکستان پیپلز پارٹی کے چیئرمین بلاول بھٹو زرداری نے سماجی رابطے کی ویب سائٹ ٹویٹر پر ٹویٹ کرتے ہوئے لکھا کہ پی پی نیب چیئرمین کی مدت ملازمت میں توسیع کی مخالفت کرے گی، قانون میں متعین مدت میں توسیع نہیں ہوسکتی،اپنی بات کو جاری رکھتے ہوئے ان کا کہنا تھا کہ تاریخ کے متنازع ترین چیئرمین کی مدت ملازمت میں توسیع کی کوشش منظور نہیں، مدت ملازمت میں توسیع کی کوشش ہمارے اس بیانیے کو درست ثابت کرے گی، نیب غیرجانبدار ادارے کے بجائے عمران خان حکومت کا آلہ کار ہے،خیال رہے کہ ہفتے والے دن جہلم میں میڈیا سے گفتگو کرتے ہوئے وفاقی وزیر اطلاعات فواد چوہدری کا کہنا تھا کہ نیب چیئر مین کی تقرری کے معاملے پر پاکستان مسلم لیگ ن کے صدر اور قومی اسمبلی میں اپوزیشن لیڈر میاں محمد شہباز شریف سے کوئی مشاورت نہیں کی جائے گی،کیونکہ وہ نیب کے ملزم ہیں۔

اس خبر پر اپنی رائے کا اظہار کریں

اپنا تبصرہ بھیجیں